മലയാളം കടങ്കഥകള്‍-1
This is a series of Malayalam eBooks-87-kadamkathakal, kadankathakal of old ancient traditional sayings, styles, tricks, puzzle like questions, games, entertainments, Author- Binoy Thomas, pdf book format, Price- FREE.
മലയാളം ഇ-ബുക്ക് കടംകഥകള്‍, കടങ്കഥകള്‍, പഴമയുടെ കൗതുകം, കുസൃതിചോദ്യം, രസമുള്ള കൊച്ചുകഥകള്‍, നേരമ്പോക്ക്, മലയാളഭാഷ, കേരളം, എന്നിങ്ങനെ വായിക്കാം.
1. കടംകഥകൾ
അകത്ത് പോയപ്പോൾ പച്ച, പുറത്തു വന്നപ്പോൾ ചുവപ്പ്- വെറ്റില മുറുക്ക്
അകത്ത് രോമം, പുറത്ത് ഇറച്ചി - മൂക്ക്
അക്കമില്ല, പുറമില്ല, ഞെട്ടില്ല, വട്ടയില- പപ്പടം
അക്കരെ നിൽക്കും തുഞ്ചാണി, ഇക്കരെ നിൽക്കും തുഞ്ചാണി, കൂട്ടിമുട്ടും തുഞ്ചാണി- കൺപീലി
അങ്ങോട്ടോടും ഇങ്ങോട്ടോടും മേലേ നിന്ന് സത്യം പറയും- തുലാസ്
മുക്കിയാലും നനയാത്ത പട്ട് - ചേമ്പില
അഛൻ തന്ന കാളയ്ക്ക് കൊമ്പ് - കിണ്ടി
അഞ്ച് പക്ഷികൾ കൂടി ഒരു മുട്ടയിട്ടു- കയ്യിലെ ചോറുരുള
അടയുടെ മുൻപിൽ വൻപട – തേനീച്ച
അടിച്ചു വാരിയ മുറ്റത്ത് വാരിയെറിഞ്ഞ മണൽത്തരികൾ – നക്ഷത്രങ്ങൾ
അനുജത്തി ചുവന്ന്, ഏട്ടത്തി പച്ചച്ച്‌, മൂത്തേച്ചി മഞ്ഞച്ച്- ഇല.
അമ്മ കല്ലിലും മുള്ളിലും മകൾ കല്യാണപ്പന്തലിൽ - തെങ്ങും തെങ്ങിൻ പൂക്കുലയും
അമ്മ കറുത്ത്, മകൾ വെളുത്ത്, കൊച്ചുമകൾ അതിസുന്ദരി - വെള്ളില
അമ്മ കിടക്കും മകൾ ഓടും - അമ്മിക്കല്ലും കുഴവിയും
അമ്മ തൊട്ടാലും അമ്മയെ തൊട്ടാലും മക്കൾ ഇല്ലാതാകം - തീപ്പെട്ടിയും കൊള്ളികളും
അമ്മയ്ക്ക് വാലില്ല, മക്കൾക്കുണ്ട് - തവള
അരയുണ്ട്, കാലുണ്ട്, കാൽപാദമില്ല – പാന്റ്
അരയ്ക്ക് കെട്ടുള്ളവൻ നിലമടിച്ചു - ചൂല്
അവിടെ കണ്ടു, ഇവിടെ കണ്ടു, പിന്നെ കണ്ടില്ല – മിന്നൽ
ആകാശത്തിലെത്തുന്ന തോട്ടി - കണ്ണ്
ആനകേറാമല, ആടുകേറാമല, ആയിരം കാന്താരി പൂത്തിറങ്ങി - നക്ഷത്രങ്ങൾ
ആരാലും അടിക്കാത്ത മുറ്റം - ആകാശം
ആരും കാണാതെ വരും ആരും കാണാതെ പോകും - കാറ്റ്
ആരോടും മല്ലടിക്കും വെള്ളത്തെ പേടി - അഗ്നി
ആവശ്യക്കാരൻ വാങ്ങില്ല, വാങ്ങുന്നവൻ ഉപയോഗിക്കില്ല, ഉപയോഗിക്കുന്നവൻ അറിയില്ല – ശവപ്പെട്ടി
ഇത്തിരി വായ, കുടവയറ് - കുടം
ഇരുട്ടുകാട്ടിൽ പന്നിക്കൂട്ടം -പേൻ
എന്നെ തൊട്ടാൽ തൊടുന്നവനെ തട്ടും - വൈദ്യുതി
ഒരമ്മ എന്നും വെന്തും നീറിയും - അടുപ്പ്
ഒറ്റക്കാലൻ ചന്തയ്ക്കു പോയി - കുട
ഒറ്റത്തടിമരം, വേരില്ലാ മരം - കൊടിമരം
ഓടി നടക്കും തീയുണ്ട- മിന്നാമിനുങ്ങ്
ഓടും കുതിര, ചാടും കുതിര, വെള്ളം കണ്ടാൽ നിൽക്കും കുതിര - ചെരുപ്പ്
To download this safe pdf google drive file-87, click here-
https://drive.google.com/file/d/19iRejOadJ8p4FkpsXBwnzD2vlii7weuC/view?usp=sharing
